我留在家做全職媽媽後，天天極度痴身，對我要求多多，如除衫褲及喂飯等等。但我對佢的要求唔一定配合之餘，如果我拒絕佢的要求，佢就嬲，會鏟地或者打我，不過就唔係好大力。每日早上我叫佢起身返學亦係煎熬。因為佢每日都唔肯返學，迫佢返學佢就會要求我同佢洗臉刷牙食早餐換校服。由於早上時間緊迫，我只能做1、2樣就要趕去梳洗換衫準備送佢去校巴站。所以一滿足唔到佢，佢就大喊扭計。我每日都因為天天而心力交瘁，情緒問題又開始湧現。呢排我幾乎日日或打或呼喝沙翁仔，我其實唔想，但我真係忍唔到D脾氣。加上我實在休息太少，我更加難控制自己嘅情緒。究竟天天點解咁難湊？佢真係咁唔想返學？問題喺邊？轉校幫唔幫到？